Page 106 - MIN ON

Enseñansa, aunke e tabata mas pa esunnan cu ta pensa di bay Canada, pero
IPA a bay mas pa duna mas opcion na esunnan cu ta keda Aruba, pa esun cu
kier bay pa e profesion di maestro.

Tambe ariba Facebook, IPA ta hopi mas agresivo, ya cu eyriba ta yega na un

grupo mas grandi di hoben. E trabao di maestro ta pa esun cu tin pasion pa e
trabao. E no ta pa esun cu paso e no kier bay afo, ta dicidi di bay IPA, como un

ultimo recurso.

Pa por ta maestro, bo mester tin pasenshi cu mucha, mester por comunica cu
hende. E trabao di maestro no ta asina no mas bo ta bira un maestro. E ta
rekeri hopi dedicacion.

Sr. Boekhoudt a bisa cu actualmente IPA ta bezig cu otro opcionnan, pa wak si

tin p.e. otro orarionan, cu por acomoda otro tipo di hendenan cu ta traha y cu
ta bisa cu nan lo por studia despues di trabao. IPA ta bayendo hopi den

direccion di blended learning. Esey ta den e mundo moderno cu bo no mester ta
fisicamente den e klas pa por volg e les. IPA tin actualmente algun les cu ta

wordo duna di e forma ey caba na nan studiantenan actual, mas den e sentido
di, bo tin un les cu bo ta frontal cu nan, pero despues ta dunanan opdracht via
un video opdracht of pa preparacion nan ta haya algo den e forma ey.

Den e direccion ey IPA ta pensando kico ta tur e opcionnan cu tin, wak si nan

por yega na un otro doelgroep, segun Sr. Boekhoudt. Tin hopi hende cu kier
sigui studia, pero door di nan horario di trabao, esey ta bira dificil. Aunke e ta

un posibilidad, pero tambe mester wak te con leu e docentenan mes por handle
e carga di trabao, pa no sobrecarga e personal tampoco. Eynan ta partinan cu

mester tene bon cuenta cun’e. Nan ta pensando den ki direccion nan por bay,
pasobra no por keda busca hopi hende di afo pa un bon tempo paso e no ta un
bon opcion pa e alumnonan.

Ora di busca maestro for di Hulanda, no tin continuidad. Nan ta bin pa un

periodo di dos pa tres aña pero nan no sa e contexto. Mester purba di acomoda