Page 15 - MIN ON

Tin un tratado cu tey desde 1989. Despues di prome y segunda Guerra mundial hopi

mucha a perde nan bida y pasa den momentonan hopi traumatico. Pa yega na un tratado

ta un proceso no facil segun Sasha Geerman. Mayoria pais rond mundo a firma e tratado

y eynan ta compromete pa cumpli cu e derechonan. Na 2001 Aruba tambe a firma e

tratado y gobierno a instala e comision cu yama Comision Derecho di mucha. A traha cu

e comision te cu 2009 y despues na 2014 e comision a wordo activa. Tabata tin tres

tarea y uno tabata pa conseha gobierno. Tambe e parti con Aruba ta progesando a base di

e tratado. E prome y di dos tarea e comision a haci. 2015 Aruba a presenta na Nacionnan

Uno e trabou cu nan a haci. Awor nan tey pa e di tres tarea. Tecnologia awendia ta algo
hopi accesible pa haya informacion segun Sasha Geerman. Tur articulo ta pone den e

website. Tin un forma simplifica cu e muchanan por yega na dje. Pa promove e website a

traha poster tambe y asina ta mas visible den comunidad.

Diez organizacion ta forma parti di e comision di derecho di mucha. Ocho ta
departamentonan Gubernamental segun Sasha Geerman. Tin tambe dos organizacion no

gubernamental. Hunto ta traha na e tema di derecho di mucha. Nan ta sali cu e website

den tres idioma. Ta yega na e grupo den tras diferente canal. Via scol y crèche tambe ta

educa e hendenan riba e derecho di mucha. E tratado tin 54 articulo y ta pa proteha e

mucha den tur sentido. Mester tin acceso na enseñanza y cuido medico. Sasha Geerman a

splica cu e tratado ta cubri tur aspecto. Na Aruba kizas tin punto cu no ta un discusion

pero tin puntonan importante cu mester tene cuenta cune tambe na Aruba. Abuso di

mucha ta den e puntonan di derecho di mucha tambe.