Page 96 - MIN ON
P. 96
Pa celebra 25 aña di Festival di Buki pa Mucha, bBiblioteca a documenta historia di Festival di Buki
pa Mucha den forma di un buki. Un compilacion di material cu ta duna un bista riba tur e añanan
anterior (1993 -2016). Prome edicion di e Festival di Buki pa mucha tabata na 1993 cu e tema
‘Vriendjes, maatjes, kameraadjes’ y e cantica di festival tabata di sr. Hubert Booi (qepd), areglo di sr.
Franklin Granadillo y a wordo canta dor di Coro Tutti Frutti.
Di cada aña tin un pagina cu su tema, e buki di e festival, e cantica di e festival y e autornan,
ilustradornan y contadornan cu a participa. Esaki ilustra cu portret di cada aña. Na final tin un parti
cu tur participantenan. E ta un publicacion cu ta mustra 25 aña di stimula lesamento na Aruba.
Compilacion ta di bibliotecaria, sra. Sophiene Maduro-Verhaegh, miembro di e comision di Festival
di Buki pa Mucha.
E ilustracion riba e portada ta di ilustrador Mariëlla van de Beek cu tin bon relacion cu biblioteca na
Aruba y tambe a ilustra e buki di e festival 2015. E publicacion a wordo realisa cu cooperacion di
UNOCA. ISBN 978 94 91740 50 3
Biblioteca tin e publicacion como regalo pa tur persona cu, di un of otro forma, a contribui na e
festival durante e añanan. Ya e tema pa e proximo Festival di Mucha na 2018 ta conoci Esaki ta
‘Amistad’. Y E ta bin cerca di e prome tema y sigur sigur un tema cu por haci hopi cu ne.
