Page 33 - MIN ECEM 6 MARCH 2017

Tambe nos, mescos cu tur e otro paisnan den nos region mester keda alerta cu
e situacion economico y politico cu pais bisiña,Venezuela, ta pasando aden, el a
splica.
Recientemente durante e bishita di minister di Hulanda, Sr. Koenders, Gobierno
te hasta a toca e tema dificil aki di e fluho di Venezolanonan cu ta saliendo di e
pais aki y si introducion di Visa (visumplicht) muy en particular pa e turistanan
procedente di Venezuela, mirando cu cada dia e situacion eynan ta birando cada
dia mas tenso. Visa ta un ta responsabilidad di Reino y no tin ningun decision
ainda cu esaki lo bay tuma luga pa ciudadanonan di Venezuela cu lo kier biaha
pa un di e paisnan di Reino Hulandes. Toch ta logra tene hopi di e hendenan cu
ta potencial peliger pa nos pais pafo. No por logra tene tur pafo, pero ta haci
esfuerso, medionan y personal cu tin. E problema aki no ta uno di nos so pero
di hopi parti di Caribe, Centro America y di paisnan den Sur America mes,
caminda tur ta hayando un gran parti di un fluho di Venezolano cu ta saliendo
cada dia mas di nan pais pa busca un miho biba. Tur e paisnan aki ta papiando
di e mesun cos cu nos ta papiando. Nan tambe ta confrontando e mesun
fenomeno y tin consecuencianan hopi grandi pa e diferente di e paisnan ey.
Locual si Gobierno ta haciendo ta trahando ariba e obligacion pa esnan muy en
particular di Venezuela pa yena un ESTA (Electronic System for Travel
Authorization) no unda prome cu nan sali pa Aruba mes por controla varios
aspecto di e biahero, manera si e tin un paspoort legal, etc.
Banda di e aspectonan aki tambe por wak cu mas y mas nos Departamentonan
cu ta controla nos fronteranan ta traha hunto. Recientemente a firma un
Protocol entre tur e departamentonan di Gobierno cu ta envolvi cu control di
frontera y e 2 ministernan cu ta envolvi cu Husticia y belastingsdienst/aduana
pa sigui intercambia informacion y control hunto pa entre otro mehora e
combati contra labamento di placa, etc.
Cifranan di Imigracion pa e añanan 2014-2016 y e trabounan profesional y e
setup nobo bou cual e ambtenaarnan aki a bin ta traha e ultimo 2 pa 3 añanan
ta mustra su resultadonan. Control di paspoort, documentonan di biahe y otro
aspektonan necesario pa por drenta Aruba ta riba un nivel hopi halto. Ta para y
catch varios hende cu ta purba drenta pais Aruba cu paspoortnan falso of otro
documentonan, of motibonan di biahe ya na frontera na Aeropuerto. Den aña