Page 33 - DESPA

Dia 5 di April ta Dia Mundial di
Actividad Fisico

5 April, 2017
0

Dia 5 di April ta dia Mundial di Actividad Fisico. Actividad fisico ta promove salud
y bienestar en general ademas e ta un di e factornan importante pa prevencion
di malesanan cronico no transmisibel (p.e. presion halto, diabetes, colesterol
halto). Tur aña ta scohe un tema pa enfoca riba dje, pa e aña aki e tema ta
“Persona Activo, Persona Felis” y ta enfoca riba e importancia di actividad fisico
pa e salud mental. Instituto Biba Saludabel y Activo (IBISA) ta invita henter e
pueblo di Aruba pa haci mas actividad fisico y asina probecha di tur e
beneficionan pa salud fisico y mental.
Beneficionan mental y emocional di actividad fisico:
Mehora bo sentimento di bienestar. E efecto aki ta dor di e hormona endorfin cu
ta wordo produci den bo curpa ora bo ta haci actividad fisico. Nan ta wordo
yama tambe e ‘feel good hormones’.