Page 89 - MIN VOS

Na departamento di Directie Volksgezondheid, tabata tin un afdeling cu tabata yama

Afdeling Juridische en Inspectie zaken. Eynan pashentnan tambe tabata bay. Pero na

momento cu e ley di calidad a bin na vigor, a dicidi cu lo bay saca full e tarea y traha un

inspectie volksgezondheid, caminda cu den e ley, si wak’e, ta duna instrumentonan pa

por treed op, segun inspector Dorylee Lopez-Penha. Esey ta loke tabata falta den pasado,

cu tabata tin un inspectie cu tabata tin instrumentonan legal caminda cu por pone boet,

caminda cu por stil leg un luga, caminda cu por sigui e tarea hunto cu officier van justitie
y otro camindanan tambe. E base legal ta locual ta duna Inspectie Volksgezondheid e

poder, si ta pone asina, pa por actua en comparacion cu prome, ora cu tabata na Directie

Volksgezondheid.

Un team

Actualmente nan ta bezig ta forma nan team. Nan no ta completo ainda, pero nan tin un

inspecteur gezondheidszorg, kende ta encarga cu e kehonan directamente y calamidadnan

cu tin cu wordo gemeld. Esey tambe ta pone atencion na dje, pasobra tin kehonan ta

drenta. Den ley ta stipula un oblicacion cu un zorginstelling of aanbieder, manera un

Hospital, un Imsan, of un dokter di cas, ta obliga pa raporta un calamidad. Den ley ta

defini kico ta calamidad. Esey ta wordo trata apart. Eynan semper tin situacionnan

caminda of un hende a fayece of tin daño cu no por wordo drecha mas.

Esey ta bira un otro trayectoria compara cu gewoon un keho cu ta bin cerca nan.