Page 8 - MIN SOC 2 MARCH 2016

Aumento salario minimo y limite di salario Ordenansa
Laboral 2013 entrante 1 di maart 2016

Tuesday, 01 March 2016 18:27
Tweet
Comparti

Ministerio di Asuntonan Social, Hubentud y Labor y Departamento di Labor y Investigacion ta anuncia
aumento di salario minimo y e limite di salario pa aplicacion di e Ordenansa Laboral 2013 entrante 1
maart 2016

E suma di salario minimo pa un empleado cu tin 18 aña di edad of mas ta wordo ahusta entrante 1 maart
2016 na Afl. 1677,60 pa luna y Afl. 391,25 pa siman.
Pa un empleado di 18 aña of mas cu ta haci trabou domestico e salario minimo ta bira Afl. 782,65 pa
luna. Pa e empleado domestico cu ta traha 22 ora of menos pa siman e suma di salario minimo lo bira
Afl. 8,75 pa ora.

Como consecuencia di e ahustacion di e salario minimo e limite di salario pa aplicacion di e Ordenansa
Laboral 2013 (Arbeidsverordening 2013) tambe lo subi entrante 1 maart 2016. E Ordenansa Laboral
2013 ta e ley cu ta regla condicionnan di trabou manera entre otro e oranan maximo cu por traha pa dia
of pa siman, dianan di sosiego, pago di overtime y pago riba dianan di fiesta. E Ordenansa Laboral no ta
aplicabel pa tur trahado pero ta conta solamente pa trahadonan cu ta cay bou di e limite di salario.
E limite di salario nobo lo bira entrante 1 maart 2016 e salario minimo actual
(Afl. 1.677,60) x factor 2.2= Afl. 3.690,72. Esaki ta encera cu trahadonan cu ta gana un salario di Afl.
3.690,72 pa luna of Afl. 44.288,64 pa aña of menos ta cay bou di proteccion di e Ordenansa Laboral 2013
y tin derecho riba tur e condicionnan di trabou stipula den e ley aki.

Departamento di Labor y Investigacion ta pidi tur trahado y principalmente dunadonan di trabou pa tene
bon cuenta cu e cambionan aki.

http://www.24ora.com/local-mainmenu-5/105865-aumento-salario-minimo-y-limite-di-salario-
ordenansa-laboral-2013-entrante-1-di-maart-2016