Page 21 - KPA

DIASABRA 12 DECEMBER 2015 DIARIO PAGINA 9

Jossy Figaroa di A.P.A.

Paardenbaai Plaza ta un
muestra cu nos ta traha pa
mehoracion di Producto Aruba

ORANJESTAD (AAN): E prome impresion cu cada un di nos bishi-
tantenan cu ta baha for di un barco crucero ta experiencia, ta awor
e Paardenbaai Plaza. E plaza lo percura pa nos bishitantenan tin un
miho y caluroso Bon Bini. Diahuebs mainta Minister Otmar Oduber
a bishita Paardenbaai Plaza cu director y gerencia di A.P.A. Sr. Jossy
Figaroa y tambe cu director di DTP, Gerald Keteldijk.
E director di A.P.A. ta comenta cu den combersacion cu e lineanan
crucero nan a comparti cu e turistanan ta califica Aruba for di e mo-
mento cu nan baha for di e crucero y a base di esey e linea crucero
ta tuma su decision si e ta keda bolbe back nos isla. Mehoracion di
e area aki ta di suma imporancia. Sr. Figaroa ta bisa: “ Si bo yega
Aruba y bo ta baha drenta den un parke bunita asina, sigur e lo
optimalisa e experiencia di bo vacacion. E proyecto aki ta locual lo
percura pa duna nos e bon calificacion cu nos kier pa percura cu e
lineanan crucero keda cu Aruba riba nan iterinario.” Naturalmente
cu e aspecto di servicio tambe ta keda un di e puntonan primordial
pa e experiencia total. “ E motibo cu nos a invita Minister Oduber
pa e inspeccion ta pa nos combersa riba con lo maneha e taxi y tour
busnan. E tour busnan awor lo por conta riba nan propio staciona-
mento pa alivia e congestion cu tabatin den e situacion di antes na
e terminal, pero banda di esaki mester percura cu e servicio cu ta
brinda na e turistanan tambe keda uno optimal.” Jossy Figaroa ta
sigui comenta. Den e mesun reunionnan cu e lineanan crucero a
sali na cla cu Aruba actualmente ta un “marquee destination” cual
ta nifica cu Aruba ta un destinacion cu e turista ta dispuesto pa paga
mas placa cu cualkier otro destinacion. Ta hopi importante pa man-
tene esaki asina tambe. Sr. Figaroa: “E companianan di linea cru-
cero ta enfoca riba destinacionnan cu nan por gana hopi placa, esaki
ta inclui e placa cu ta worde gasta na ticket, a bordo y na momento
cu nan yega por ehempel Aruba. Riba e tournan e linenan crucero
tambe ta haya nan ganashi y pesey mes nan kier pa continuamente
nos innova esakinan cu e servicio excelente.” A.P.A. ta contento
cu e desaroyo di proyecto di Paardenbaai Plaza ya cu esaki ta yuda
den e negociacionnan, demostrando cu nos a traha pa mehoracion
di Producto Aruba.

Klas di Scol Practico pa Ofishi
a haya bishita di ladron

ORANJESTAD.(AAN); Tin keho entrega diahuebs na e patruya
San Nicolas. Ta asina cu e director F. encarga cu “Scol Practico pa
Ofishi” situa na Savaneta 391 a denuncia cu desconocinan a kibra
drenta den un di e localidadnan y a bay cu e television.

Telefonnan di DIARIO 582-6747
Fax 582-8551