Page 31 - KPA
P. 31
Wega di baseball na Ex Veld Di Winston a hera bira
competencia di bringamento cu agresion
Diaranzon anochi cos a bira cayente na Ex Veld Di Winston. Polis di Santa Cruz a bay pura pa atende cu
un problema. Parce cu tabata tin agresion. A papia di maltrato cu bate di baseball. Ora cu Polis a yega ta
wordo menciona cu ta machete tabata tin den wega. Un hende ta wordo bisa cu a ser hiba hospital.
E problema tabata riba veld. Mientrastanto e situacion a bira cayente entre fanaticonan tambe. A manda
dos unidad na prome instante. Na ultimo inning a laga e wega sigui pero Polis a keda na e sitio. Mientras
cu e wega tabata andando a manda patruya di Playa bay Hospital pa mira e situacion cu e persona cu lo a
wordo agredi. Despues un biaha mas e cos a manera bay for di man na Ex Veld di Winston y mesora a
pidi unidadnan pa bin. A bin patruyanan di Santa Cruz, patruyanan di Maritiem cu Kustwacht y tambe
Patruya di Playa. E wega a caba y Polisnan a keda den cercania pa asina zorg pa tur hende bandona e
sitio. Finalmente e situacion eynan a calma y tur hende a bay sin cu tabata tin agresion atrobe.
