Page 57 - KPA

Noticia di polis 6 Juni 2017

Wednesday, 07 June 2017 21:21
Comparti

Security a kere cu humadonan di shag tabata consumi droga

ORANJESTAD - Diamars, pa mas of menos 3íor y 10 di marduga, Central a manta patruya na Seaport
Casino
pa molester di uzadonan di droga. Eynan security a mustra polis e supuesto uzadonan. Eynan nan a
papia cu dos homber, kendenan a declara cu nan tabata preparando nan shag. Polis a controla nan rugtas
y schoudertas, pero no a topa cu nada particular. Ambos homber a wordo cori for di e sitio. Central a
wordo poni na altura.
Brown a kibra bentana di oficina di turismo na San Nicolas

SAN NICOLAS - Diamars, pa mas of menos 3íor y 15 di marduga, durante patruya polis a mira un
homber drumi abao na altura di Aruba Tourist Information (postkantoor). Ora cu polis a bay wak tabata
trata aki di e conocido adicto ambulante AC Brown,kendenan a bay lanta for di soÒo. Dado momento
nan a nota cu e bentana di e oficina di Aruba tourist Information tabata kibra. Tabata tin un boter di
Budweiser kibra benta abao dilanti di e bentana.

Brown a admiti cu el a kibra e bentana. Den cuadro di esey, polis a detene Brown y hibíe na warda di San
Nicolas, unda cu el a keda presenta dilanti di fiscal auxiliar, caminda cu despues a keda encarcela pa mas
investigacion. Central a wordo poni na altura.

Polis a detene varios ilegal na Kudawecha y Sabana Liber
NOORD - Diamars, pa mas of menos 4íor y 15 di marduga, na altura di Sabana Liber, polis a topa dos
hende muhe, cu tabata cana banda di caminda. E dos muhenan tabata pia bao, y tabata parce manera cu
nan tabata tin mester di ayudo. Door di esey polis a papia cu e dos muhenan aki. Un di nan tabata DR, y a
declara cu e tabata wardando riba un amigo. Mirando cu tabata laat, patruya a dicidi di hiba e dos
muhenan cas na Kudawecha. Ora cu polis a papia cu e muhe, kende despues a resulta di ta CM, y a pidie
pa un ID, el a cuminsa haci nervioso.

CM a mustra despues su paspoort Venezolano. Polis a mira cu CM a yega Aruba dia 14 di Februari 2017
na Aruba y a declara cu el a keda 4 dia pa keda Aruba. Mientras tanto DR a declara cu tabata tin 6 otro
Venezolano cu ta kedando cerca nan. Posiblemente nan lo a bay nan pais diadomingo awo. Patruya a
mira via e porta dilanti di dicho adres, cu tabata habri cu den e sala tabata tin dos matras y algun maleta.
Polis no a topa cu ningun otro hende na e adres. Mientras tanto CM a wordo hiba na warda pa despues
pasa pa personal di Warda os Costa. Despues cu CM a wordo baha na warda, polis a sigui cu su control.
Dado momento polis a mira un auto cu tabata para na altura di e Tweg na Sabana Liber. Tabata un toyota
Corolla color di oro. Patruya a dicidi pa sigui e auto cu a core bay te na Shaba. Yegando na warda di
Shaba, polis a ripara un otro auto cu tabata coriendo dilanti dicho Corolla. Patruya a hayíe straÒo y a
dicidi di para V-5111. Tabata tin dos persona den dicho auto. E chauffeur a declara cu e tabata perdi.