Page 16 - Minister Alex Schwengle

16 AWEMainta Diasabra, 08 Augustus 2015

Aruba lo participa
n’e campeonato
Junior Caribbean
Cycling
Championship

na Republica Dominicana

E DIANAN 8 y 9 di augustus un delegacion den e

deporte di ciclismo di ruta lo competi den e Junior
Caribbean Cycling Championship na Republica
Dominicana. E aña aki e competencia lo wordo organisa
p’e Federacion Dominicano di Ciclismo. Mester bisa cu
Aruba a sali cu un delegacion di 6 ciclista, kendenan
lo midi forsa contra e otro coredonan junior di Caribe.
E atletanan cu a haya e oportunidad pa representa Aruba
ta den e categoria junior ta: Gabriel Thielman, Jair de
Santiago y Jonathan Croes, tambe nos tin e coredor
femenino Oriana Thielman, mientras den e categoria
di pre-junior lo competi e coredonan Kylian Balkenstein
y Ruson Gonzales. Como coach lo biaha Alfredo
Palavecino. E competencia na Republica Dominicana lo
tin un duracion di dos dia unda riba e prome dia lo core
e famoso careda contra holoshi, mientras pa su mañan
lo tin e careda di ruta.
Nos atletanan junior a hiba un preparacion debido
di varios luna y awor nan ta cla pa briya durante di e
Junior Caribbean Cycling Championship. Un danki
sigur na Lotto, cu pa medio di Comision di Subsidio cu a
subsidia e biahe di nos delegacion di ciclismo di ruta p’e
campeonato Junior Caribbean Cycling Championship
na Republica Dominicana.