Page 30 - HOH

Indexering ta un tema cu sindicato di sector di cuido ABV (Arubaanse Bond voor

Verplegende instellingen) tin atencion p’e tambe. E no a bini dilanti durante e ultimo

negociacion pa CAO, durante cual a logra cierto tipo di aumento pa e empleadonan. Pero

e ta algo cu sigur ABV ta bay traha pa logra pa empleadonan di Dr. Horacio

Oduber Hospital.

Presidente di ABV Gina Maduro a splica cu den e CAO no a inclui aumento di salario

pero loke cu e miembronan a haya ta un aumento den e beneficionan secundario.

Indexering ta bini ora di inflacion, Maduro a splica. E aña’ki, cifranan ta mustra cu
tabatin un inflacion di mas cu 4%, mientras cu entrante prome di januari awo salario

minimo ta bay subi cu 3%. Mirando e datonan aki, ABV ta bay exigi pa tur su

miembronan den sector di cuido un aumento flat di 3% den salario. E ultimo biaha cu a

haya un indexering tabata na 2013 ora cu a haya un aumento di 85%, pues casi 7 aña

pasa. “E poder di compra di e empleadonan a bay atras. Pues nos ta para duro pa e

aumento di tres porciento. P’esey nos ta bisa AZV pone extra fondonan disponibel. No

cuida solamente bo aseguradonan, pero tambe esun cu ta duna e cuido y laga nan haya un

trato di cinco strea.”

Haya indexering pa su miembronan den sector cuido, entre otro hospital, ta masha

importante. El a duna ehempel di hospital, unda cu mita di su miembronan a yega na un

nivel cu no ta haya aumento mas, pasobra nan ta den nan top caba. Mas ainda awor cu

nan tin cu traha te cu nan 65 aña cu e mesun salario. E unico aumento cu nan por haya ta

si nan tin indexering ora cu tin inflacion.