Page 6 - HOH
P. 6
Diahuebs, 12 December 2019 AWEMainta 17
Parlamentario Alan Howell (POR)
Ta inaceptabel e situacion di
belastingkantoor na San Nicolas
Parlamentario di partido POR, Alan Howell a tuma nota di un otro
situacion inaceptabel cu ta tumando lugar pariba di brug.
El a duna di conoce cu despues a haya masha hopi yamada y men-
sahenan riba e situacion cu habitantenan di pariba ta pasando aden
relacciona cu locual ta pasando den e sucursal di belastingkantoor na
San Nicolas, el a dicidi di bishita e edificio su mes y wak e situacion pa
cual e habitantenan di San Nicolas y becindario t’asina hostina.
Howell a indica cu e belastingkantoor na San Nicolas ta habri riba
diahuebs y diabierna so y pa colmo, segun pueblo, e mihor trahador a
bay cas tambe debi cu su contract a caba.
“Mi a tuma contacto cu Minister Xiomara y mi a splike cu esaki no por.
Minister a priminti di trece un solucion mas pronto cu ta posibel”, e
Parlamentario di POR ta bisa.
E ta finalisa bisando cu tin tres situacion sigur cu ta tumando lugar
na San Nicolas cu e y pueblo no ta bay tolera y tampoco acepta cual
ta: e ciere di e sucursal di AZV den IMSAN, luznan di caya den Bern-
hardstraat cu no ta den funcion pa hopi tempo y awor e asunto aki di
belastingkantoor na hulpbestuurskantoor San Nicolas.
“San Nicolas deserves much better than this”, Alan Howell a conclui.
