Page 4 - RIU HOTEL

16 AWEMainta Diaranson, 6 Juni 2018

En conexion cu Dia Mundial di Medio Ambiente

Riu Palace Aruba y Riu Palace Antillas ta lucha contaminacion di plastic

E AÑA aki Nacionnan Uni tin nan campaña
pa un dia sin contaminacion pa plastic y dia 5
di Juni ta "Dia Mundial di Medio Ambiente".
Tur hotel di RIU rond mundo ta participa den e
campaña aki, apoyando e causa internacional.
Colaboracion cu e evento aki ta cumpli cu
varios rekisito di e certificacion Travelife.

Riu Palace Aruba y Riu Palace Antillas a
conscientisa su huespednan p’e uzo responsabel
di productonan di plastic. E hotelnan hunto cu
boluntarionan a haci limpi desde e edificio di
Strandpolitie te cu De Palm Pier. E actividadnan
aki ta constitui na un manera excelente cu
hendenan por ta testigo di e magnitud di
plastic y asina aki nan por pensa bek riba nan
comportacion.

Gerencia di ambos hotel a participa na e limpiesa,
cu yudansa di turistanan y empleadonan di Riu
Palace Aruba y Riu Palace Antillas. Durante e
limpiesa nan a piki varios sushi banda di lama y
palapanan. Hopi turista di otro hotelnan tabata
a acerca y asina tabata interactua cu esunnan di
RIU Hotel.

Tur hende a pasa un rato agradabel y e gerencia a
gradici tur esunnan cu a participa na e limpiesa
relaciona cu Dia Mundial di Medio Ambiente.

RIU Hotels & Resorts a habri Riu Palace Aruba
na aña 2007. Debi na e gran exito di su prome
hotel na Aruba, e compania a dicidi di adkiri un
di dos hotel, habriendo Riu Palace Antillas na
aña 2014. Hunto e dos hotelnan aki ta maneha
mas o menos 25 mil huesped pa luna, cu un
nivel di grado di ocupacion mas halto riba
nos isla. Entre e dos hotelnan RIU na Aruba,
nan ta emplea riba 800 trahado, brindando
huespednan e miho nivel di servicio.