Page 4 - DIGICEL JUNE 18 2015

24 AWEMainta Diahuebs, 18 Juni 2015

MABUHAY!

Digicel a celebra hunto cu su
clientenan Filipino

DIA di Independencia di Filipinas ta wordo celebra

na Aruba cu hopi alegria y diferente actividadan
unda cu e colonia Filipino, amigo y famianan di
Aruba ta uni pa conmemora e dia asina importante
den e historia di e 7,107 islanan cu ta forma e pais.
Digicel ta felicita e organisadornan di e celebracion
cu a inclui un ofrenda floral di diferente grupo y
instancia, baile tipico y ceremonia oficial riba dia
12 di juni den Wilhelmina Park y un gran festival
di cuminda den oranan di anochi.
Digicel ta contento di por ta parti di e celebracion
aki manera ya a bira un tradicion caba y di por a
contribui cu e actividad.
Di parti di Digicel tabata presente n’e ceremonia
Jennifer Kock, Gerente Comercial; Michelle Brooks,
di Departamento di Recursonan Humano y Brain
Monpellier, kende ta encabesa Departamento
Cooperativo di Benta.
Digicel a participa activamente tambe n’e Filipino
Food Festival na Centro di Bario Noord, unda cu
e compania tabatin un “sales booth” cu ofertanan
special p’e ocasion aki.
E aña aki un biaha mas e organisacion di Dia di
Independencia di Filipinas a presenta un evento
masha bunita di cual Digicel ta orguyoso di tabatin
e oportunidad pa participa y contribui.
Mabuhay na comunidad Filipino di Aruba!