Page 25 - HOH 8 APRIL 2016

Hospital ta aclaria: Investigacion andando for di algun dia
caba

Thursday, 07 April 2016 15:59
Comparti

Ta for di algun siman caba cu Dr. Horacio E. Oduber Hospitaal a inicia un investigacion interno, den un
esfuerso pa compila tur informacion relevante rond di e caso particular den cual un mama a fayece
despues di parto, mescos un di su yiunan morocho.

Aunke cu ta e siman aki e caso a bira popular riba red social, ya for di algun dia caba Dr. Horacio E.
Oduber Hospitaal mes a start cu un investigacion. Esaki pa verifica cu tur procedura a cana segun
normanan fiha. Dr. Horacio E. Oduber Hospitaal ta sigura cu lo haci uzo di tur forma y
instrumentonan pa yega na un conclusion riba kico a sosode cu e mama y e baby den e caso specifico aki.
Ta pidi poco pasenshi di comunidad, pa por duna e expertonan oportunidad pa haci un investigacion
riguroso y debido. Di otro banda, Hospital ta lamenta cu potret y video di un pashent interna den
Hospital, practicamente for di tino y den coma, ta circula riba red social, sin cu e persona por defende su
mes. Mester tene na cuenta cu den tipo di casonan asina semper tin dos banda di medaya y Hospital,
como cu ta mara na secresia di pashent, no por divulga informacion priva di e pashentnan pa defende su
mes. Pero tampoco por permiti cu otronan ta drenta paden como amigo pa graba of saca potret di un
persona den un estado asina y comparti'e abiertamente asina riba internet. Dr. Horacio E. Oduber
Hospitaal ta conta cu riba mil empleado bon prepara, capacita y cu experencia pa atende pashentnan
interna pa tratamento medico. Ta expresa palabranan di profundo condolencia y forsa na famianan y
conoci nan di e fayecidonan.