Page 2 - Imsan

Pagina 12 Diarazon Mei 13 2015

Bululu den Chuchubistraat cu persona deteni

Diamars atardi den
careda di 4’or polis di
Sta. Cruz a ser manda
pa Chuchubistraat pa un
caso di maltrato. Segun e
prome informe un persona
a ser maltrata y nan a lague
benta ariba caminda.
Na yegada berdad polis
a haya un dama ariba
caminda. El’a conta cu un
grupo di tres persona a
bin caminda e tabata sinta
na e mata y dos persona
a maltrat’e. Un storia
poco bruha. Ambulance
a ser pidi. Na yegada di
ambulance algun testigo
cu a waak kico a pasa, a
señala e polisnan e grupo
cu a comete e supuesto
maltrato banda di panord di
Chuchubistraat. Mientras
cu ambulance a bay trata
e dama den ambulance, e
dos patruyanan a sali bay
den direccion di e grupo di
tres persona, dos dama y
un cabayero. Polis a baha
y ta detene tur tres.
E storia a cambia na final
despues di a tende ambos
banda na e sitio mes. A
resulta cu aparentemente
e dama cu nan a dal un
rato prome a dal un señora
cu ta mama of famia di e
grupo. Pues un bululu.

Despues cu personal di
ambulance a trata e dama
drumi ariba caminda,
e tambe a keda deteni,
pues tur a wordo deteni y
transporta pa warda door
di ta bringa ariba caya. Na
warda polisnan tin di bay
saca ta con e bululu aki ta
hinca den otro y ta ken a
dal prome.