Page 22 - MIN VOS 12 jan,2016

Pagina 28 12 Januari 2016

Brazil Taekwondo Stichting su
team di Train Hard Fight Smart

ta den pleno preparacion pa
Open USA y a train na Seroe

Alejandro na Savaneta

Brazil Taekwondo Stichting su team di Train Hard Fight
Smart ta den pleno preparacion pa Open USA y a train
na Seroe Alejandro na Savaneta.

Diasabra ultimo e team di Train Hard Fight Smart di
Brazil Taekwondo Stichting a sacudi Sereo Alejandro.

Brazil Taekwondo Stichting ta bayendo den bon
direccion cu e plan di 2016 y ta train pa Open USA y
TK5 Surinam. Awor Brazil Taekwondo Stichting ta
subiendo e nivel di training y e atletanan ta pone mas di
nan banda. Tambe por wak un cambio grandi despues
di e descanso chikito cu tabata tin na december. Hopi
factor ta haci posibel cu e atletanan ta dunando hopi di
nan banda, un di e cosnan ta cu nan ta den crecemento
keto bay y e suplementonan cu Alex Croes di Gianni’s
Nutrition Center ta aporta cune tambe ta duna su fruto.
Training y descanso ta bayendo bon, man den man. Nos
no por keda sin menciona cu e ta un caminda hopi largo
y cu nos ta ariba e fast lane y nos no ta wak atras mas,
pero pa dilanti.

Clifford Rasmijn ta mira e Open USA cu ta un
campeonato di Ranking G2 como uno hopi importante
pa e desaroyo di e muchanan, pa asina por determina
unda nos ta para.

Open USA ta conta cu mas cu 3 mil participante na
unda cu e mihornan ta bay pa midi contra otro. Aki nos
ta papiando di un nivel hopi halto mes.