Page 30 - MIN VOS 12 jan,2016

32 AWEMainta Diamars, 12 Januari 2016

IBiSA ta informa: AÑA A habri y cune tur preparacion

Por cuminsa inscribi online pa e prome careda grandi organisa pa
pa e Betico Memorial Run IBiSA cu ta e popular Betico Memorial
Run cu ta tuma lugar riba dialuna dia
25 di januari 2016 cu ta Dia di Betico.
Esaki ta un careda cu ta conta cu hopi
participacion di nos atletanan local,
pero tambe esnan internacional cu ta
di bishita riba nos isla. E careda aki
pa hopi, ta tambe un preparacion pa e
Aruba International Half Marathon cu
ta tuma lugar den luna di maart 2016.

E luna di januari ta yen di actividad
pa e celebracion di Carnaval 62. E
fin di siman di 22, 23 y 24 di januari
tin varios actividad importante di
carnaval, pero esaki no mester ta
un estorbo pa nos atletanan cu ta
entrena p’e “Betico Memorial Run”.
IBiSA ta apoya tur atleta y deportista
cu ta maneha bon nan tempo y ta
inclui un plan di entrenamento den
preparacion pa proximo caredanan.

Betico Memorial Run 2016 ta encera
un “6K Fun Run & Walk” cu tin un
costo di participacion di Afl. 10,- pa
participantenan local y US$ 8,- pa
participante internacional. Premiacion
den e “6K Fun Run & Walk” e aña aki ta
pa e prome 3 participante masculino
y e prome 3 participante femenino cu
crusa linea final na Centro Deportivo
Libertador Betico Croes na Sta. Cruz.
Mientras cu pa e “10K Run” e costo di
participacion pa local ta Afl. 15,- y US$
10,- pa participante internacional.
E premiacion ta: prome, segundo y
tercer lugar, segun categoria di edad
femenino y masculino manera ta e
caso normal tur aña. Salida di e careda
mes riba dia 25 di januari 2016 ta pa
6:00 AM.

IBiSA ta informa cu por cuminsa
inscribi caba online riba website di
ibisaruba.org, mientras ta pidi pa
keda pendiente pa e informacion ora
cu por cuminsa inscribi directamente
na oficinanan di IBiSA.