Page 47 - ATA

Como sindicato responsabel a manda un peticion pa negosha e contracto colectivo nobo

for di Juli 2017. Mester pidi esaki cu 90 dia di anticipacion. A pidi mas cu 150 dia di

anticipacion. Pa sorpresa di e sindicato a bin tende cu nan a traha nan presupuesto na Juni

y a lubida di hinca placa den e presupuesto pa e contracto colectivo. Claro cu no ta kere

den storia di Hans & Grietje, pero nan a hecha e baina aki.

Ta ki clase di doño di trabao bo ta. Bo sa cu bo tin un contracto colectivo pa bay negosha,

bo mester pone placa un banda pa e contract colectivo pa bo empleadonan. Bo sa cu e

situacion na Aruba no ta nada bon.

A manda un proposicion pa nan y November nan a bin cu un contra proposicion

chiripero. E cosnan aki ta haci dolor, ora cu e hendenan aki ta strica cu placa y e

trahadonan, practicamente ta pinda nan ta tira pa nan y e sindicato kier mira un cambio.

Nan kier mira cambio den e dianan cu nan ta traha. Nan kier pa traha cinco pa siman,
ocho ora pa dia, manteniendo e salario cu nan tin y cu aumento riba dje. A bisa cu tur

hende tin derecho di hiba un bida social sano y a ripara kico ta pasando riba nos pais aki

pa falta di atencion pa nos famia, ta confrontando hopi problema social. Departamento

social por bisa cuanto problema nos pais ta pasandio aden.

E sindicato kier mira un miho CAO compara cu ultimo biaha.