Page 5 - aua bank june 30 2015

14 AWEMainta Diamars, 30 Juni 2015

ATIA a organisa un
workshop interesante
pa instancianan den
sector di salubridad

DEN cuadro di celebracion di 70 aña di existencia, ATIA ta

organisando diferente actividad pa su miembronan durante aña
pa gradici nan pa nan aporte na ATIA y comercio di Aruba den e
ultimo decadanan.
Adicionalmente, mirando e importancia di nos hendenan cu ta traha den
e sector di salubridad, ATIA a organisa un sesion special di e workshop
Balanced Leadership pa instancianan cu ta contribui diaramente cu
salubridad di nos pais.
E workshop aki a duna e.o. trahadornan social, nurse y paramediconan
tipnan necesario pa amplia nan habilidad di liderazgo y alabes crece
personalmente den nan ramo di trabou.
Durante e workshop interactivo, Anita de Groot a hiba e participantenan
riba un tour di e mente y a splica e dos sistemanan cu ta impulsa e manera
cu nos ta pensa. Conhuntamente cu Anita a hiba combersacionan over di
con nos ta pensa y sinti, unda nos por y no por confia nos intuicion y con
nos por probecha di e balornan di rasonamento, contribuyendo asina na un
organisacion fuerte y existoso, especialmente den nos sector di salubridad.
ATIA ta contento di por a aporta conhuntamente cu Caribbean Mercantile
Bank N.V. y sra. Anita de Groot na conocemento den e sector di salubridad.