Page 15 - AM210107

Diahuebs, 7 Januari 2021 AWEMainta 15

Women’s Club of Aruba ta informa

tocante proyecto di Dress a Child 2020

PA luna di december, Women’s Club of Aruba (WCA) a dedica su mes
na su proyecto di mucha, cu ta tambe e “signature project” di WCA.
Originalmente e proyecto aki a cuminsa na 1997 pa bisti muchanan di
menos recurso pa temporada di Pasco y fin di aña.
Tumando e precaucionnan necesario debido n’e pandemia, asina e aña
aki, di dia 7 pa 17 di december ultimo, WCA a bisti mas of menos 231
mucha di edad 0-10 aña di diferente districto y na diferente tienda riba
nos dushi isla.

E miembronan di WCA encarga cu e proyecto aki hunto un ekipo di
boluntario n’e diferente tiendanan ta manera ta sigui:
Playa y becindario: Capitan Bernadette Schouten na Gee Kay
Department Store. Dakota y becindario: Capitan Emperatriz Perdomo
na Super Shopping. Noord y becindario: Capitan Marva Solagnier na
“Giselle” Department Store. Sta. Cruz y becindario: Capitan Carmen
Russel na Dowco Sta. Cruz. Brazil, San Nicolas y becindario: Capitan/
Chairman Norma Brinkenberg na Ke Ke Mega Mart y La Aruba.
Paradera y becindario: Capitan Milagros Posner na Salina Department
Store.
WCA kier a gradici directiva di e tiendanan ariba menciona, cu a pesar
di a experiencia un aña dificil, a duna nan cooperacion p’e bunita
proyecto aki.
Igualmente WCA ta gradici un y tur cu di un forma of otro a coopera
cu e proyecto aki, principalmente Alhambra Casino, Tai Chi Society of
Aruba y hopi miembro di WCA mes.
Directiva y membrecia di WCA ta haci uzo di e oportunidad aki pa
gradici pueblo di Aruba p’e cooperacion y ta desea Aruba en general un
Prospero Aña 2021!