Page 2 - AWEMAINTA

2 AWEMainta Dialuna, 31 Juli 2017

Grupo di Arubiano riba caminda pa bolbe Aruba

A haya accidente pisa di cual uno a fayece

NA San Pedro di Macoris, Santo Domingo, tabatin un accidente
serio a tuma lugar ayera, den cual tin Arubiano envolvi. Di acuerdo
cu nos informacion, e Arubianonan aki tabata riba caminda pa
Aeropuerto Las Americas.

Nan ta 6 persona, cu e keda herida, den nan tin 2 menor di edad.
Nan tur ta di nacionalidad Hulandes Arubiano.
Xnanleall Richardson (9 aña), Mellizienne Richardson (24 aña),
Xiocarngx Vargas di (14 aña), Mariana Haynes Brown (55 aña) y
Prisi Cassover (52 aña). E chofer t’e Dominicano Nicolás Guzmán
Frías.

Un accidente a sosode ayera mainta, riba Autopista del Este, cu
un saldo di 6 herido, entre nan 5 Arubiano. Di acuerdo cu pub-
licacionnan for di Santo Domingo, te ainda nan no sa causa di e
accidente, pero testigonan ta bisa cu e chofer tabata core cu un
velocidad halto.
Nan tabata riba caminda pa Aeropuerto pa bolbe Aruba ayera tardi,
despues di algun dia di vakantie.
E van ta propiedad di El Monumental radicada na Bavaro. Nan a
caba di sali for di Caribe Club Princess Hotel.

Despues nos a haya informacion cu un di e victimanan a fayece a
consecuencia di e heridanan recibi. Ta trata aki di un juffrouw di
Te Aworo, Juffrouw Agnes Brown.
Varios di e heridonan ta den cuido intensivo. Aki na Aruba, ta ser
bisa cu nan ta famia di Carmelita Haynes. Na famia di Agnes ta
bay nos mas sincero condolencia.