Page 25 - AWEMAINTA

AWEMainta Dialuna, 31 Juli 2017 25

DIABIERNA ultimo a tuma lugar
un encuentro hunto cu presencia di
Minister di Deporte dr. Carlos Alex
Schwengle, Director di ASU sr. Jerry
Franka, Director di Lotto pa Deporte
dr. Di-Stefano Wernet, Presidente di
Aruba Taekwondo Bond dr. Guaicai-
puro Jimenez, Grand Master Chaco
Jose Cornelio, Master Eric Barry y e
demas miembronan y famia di e team
di Train Hard Fight Smart di Brazil
Taekwondo Stichting.

E team di Train Hard Fight Smart di
Brazil Taekwondo Stichting a wordo
invita pa Minister di Deporte dr. Carlos
Alex Schwengle pa un reconocimento
special pa nan logro di 4 medaya na
Korea.

E tabata un sorpresa total p’e team di
Train Hard Fight Smart, pasobra cu
nan a wordo honra pa nan bon trabou
den un sala bon dorna cu un banner
special y fichanan di Brazil Taekwondo
Stichting.
E 4 atletanan Joshua Klabér, Záhy-
on Klabér, Jourdé Klabér y Danon
Delamore a wordo reconoci pa nan
logronan cu nan a logra na Korea y
p’e bon trabou y e bon branding di e
nomber di Aruba te na Korea.

Sr. Di-Stefano Wernet, Director di Lot-
to pa Deporte a hiba palabra di elogio
p’e team di Brazil Taekwondo Sticht-
ing cu ta un bon ehempel p’e otro de-
portenan aki na Aruba, pasobra Brazil
Taekwondo Stichting mes ta recauda
fondo p’asina por biaha y participa na
campeonatonan di taya representando
Aruba internacionalmente.
Brazil Taekwondo Stichting ta un fun-
dacion cu semper a traha na bienestar
di su atletanan.

Na aña 2015 e team a biaha pa Korea
cu 8 atleta y a bolbe Aruba bek cu 8
medaya, participando n’e World Chil-
dren Taekwondo Festival y na Chun-
cheon Korean Open International
Taekwondo Championship.
Minister di Deporte dr. Carlos Alex
Schwengle a entrega un faha preto na
cada un di e atletanan como un merito
di aprecio pa nan gran logro na Korea.
Brazil Taekwondo Stichting su direc-
tiva y miembronan ta gradici Minister
di Deporte dr. Carlos Alex Schwengle
pa su reconocimento n’e team di Train
Hard Fight Smart.