Page 52 - FLIP KPA

Polisnan a reuni y pone ordo contra grupo di chauffeurnan

Thursday, 19 March 2015 07:51
Comparti

Cierto grupo cu ta core auto y brommer ta haya boca grandi y no tin respet pa autoridad. Pesey mes
mirando nan actitud a pone cu autoridad a prepara pa bai atende cu e grupo di hendenan aki.
Riba dia nacional den oranan laat di anochi tin chauffeurnan cu a keda deteni tambe. Tin di nan hopi
iresponsabel pasobra tabata haci fever cu casa y yiu den auto. Ora polis a atende cune ta resulta cu e
tabata bebi tambe na stuur. Mientrastanto banda di Eagle Beach polis a keda vigila e situacion y tambe
den otro areanan di Eagle unda tabata tin kehonan. Mientrastanto hunto cu e hefe di seccion di Noord a
prepara un batayon di varios unidad di polis pa presenta na warda di Strand Politie. Tur unidad cu tabata
available rond di Aruba a wordo yama pa presenta y reuni na e post ey.
Eynan a prepara un plan pa bai atende cu e gruponan di auto haciendo cosnan iresponsable y tambe
otronan cu ta sin respet. Por bisa cu e preparacion di polis pa pone ordo a duna su fruto. E polisnan a
demostra cu nan tey y respet mester keda pa autoridad. No manera tabata na prome instante caminda
chauffeurnan bebi kier haci cosnan contra ley y mustra polis cu ningun hende tin cos di bisa. Sea bo ta
respeta of e auto ta wordo tuma den beslag y abo ta bai warda. E cos a termina bon finalmente.