Page 88 - KPA

Minister Otmar Oduber a bisa cu el a combersa cu minsiter di Husticia, unabes
cu trece e parti di control ariba e ley di cachonan, cu ta un bevoegdheid di polis
den e ley. Y tin un unidad na City Inspector di polisnan, cu ta atendiendo cu e

punto aki, automaticamente polisnan por actua den algemeen belang cu na tur
momento ta reenforsa e departamento di City Inspector.

Si City Inspector no tin e autoridad, practicamente nan no por haci nada. Nan

por constata cu nan por piki sushi, constata, nan por cana piki sushi, piki auto
bieu, pero e minsiter no ta kere esey ta e tarea di City Inspector. Hendenan

mester realisa cu tin control ariba nan, cu nan lo preveni cu ta bay djis tira un
auto bieu dilanti cas. Preveni di crea dumpnan ilegal rond di Aruba.

El a papia cu su colega Bikker, mescos cu a haci cu Aruparking, a mandaann
Scol di Polis, pa nan haya e opleiding di BOA, cu di biaha, manera cu 2018

habri, lo percura pa cuminsa henter e proceso pa e personal di City Inspector
por tin e autoridad necesario door di bay ricibi nan opleiding di BOA.

City Inspector, Serlimar lo mester uni, y combersando cu Serlimar, ta mira cu

como sifuera cu ta dos mundo separa nan ta. Serlimar ta keha cu hopi menos
sushi ta yega Serlimar, pa locual entrada na Serlimar ta cay. Pero di otro banda
no ta haya cooperacion ora cu entrega keho via dumpnan ilegal cu tin. P’esey ta

masha normal cu e dos mundonan aki, lo mester wordo uni y caminda cu ta bay
haya cu City Inspector lo mester ta e wowo den comunidad, pa evita cu sushi ta

wordo tira tur rond, cual ta contra ley caba, ya cu Aruba tin un solo
stortingplaats cual ta Parkietenbos. Ken cu ta haciendo esaki, lo hay’e confronta

cu Serlimar pero tambe DNM, cu lo mester bay haya un rol hopi mas activo,
segun minister Otmar Oduber.