Page 2 - AM200722
P. 2
2 AWEMainta Diaranson, 22 Juli 2020
...Erwin Warnies oriundo di Bussum y e piloto Christine Martens di 34 aña,
kendenan a pèrdè nan bida den e accidente di helikopter.....
Avion militar cu expertonan a yega Còrsou ayera tardi
AYERA mainta e barco di Marina Real Hulandes Zr.
Ms. Groningen a drenta haf di Còrsou for di Aruba cu
abordo e restonan mortal di e tripulantenan di e helicòpter
cu a cay den laman na Aruba, Christine Martens y Erwin
Warnies.
Dos tripulante a salba cu lesion leve.
E aparato ta den fondo di laman na 100 kilometer west di
Aruba na un profundidad di 1 kilometer na un distancia
di mas cu 100 kilometer west di Aruba. Dialuna nochi
e aparato a kibra for di e cabuya cu tabatin e wantá y
a hundi despues cu nan a purba tene e helicòpter na
superficie pa recuper’é, pero laman tabata demasiado
bruto y tabatin hopi biento.
Ayera tardi a yega Còrsou un avion di transporte militar
KDC-10 cu miembronan di Inspectie Veiligheid Defensie,
E conseho di investigacion y seguridad y Rechèrchenan
di Marechaussee, kendenan lo registrá tur loke a pasa.
Promé cu nan a sali a tèst tur e biaheronan riba Covid-19.
E avion militar KDC-10 lo hiba e curpa nan bek Hulanda.
