Page 7 - MIN.VOS ALEX SCHWENGLE DEC 30

AWEMainta Diamars, 30 December 2014 17

Ex Campeon
Mundial

Henk Meijer a reuni cu directiva
di Brazil Taekwondo Stichting

DIAHUEBS anochi ultimo a tuma lugar un reunion cu e ex

Campeon Mundial Henk Meijer hunto cu miembronan di Brazil
Taekwondo Stichting. Henk Meijer a hiba su discurso tocante di
e camp training cu ta plania pa juli 2015.
Henk Meijer lo bay ta central hunto cu e team di Brazil Taekwondo
Stichting, kendenan ta bendiendo kalender pa por bay e camp
training di 3 siman aki.
Henk Meijer a bisa e miembronan cu manera cu e yega Hulanda
bek e lo cuminsa planea tur cos.
Manera Henk Meijer a splica tambe cu na luna di juli ta un bon
tempo pa atende e camp aki, mirando cu esaki ta net ora cu e
muchanan ta bay tin vakantie di scol na Aruba.
Henk Meijer lo bay informa mas tocante di e campeonato cu ta
bay tin den e temporado ey, p’asina combina esaki hunto cu e
camp training.
Brazil Taekwondo Stichting tin 8 atleta te cu awor cu ta bin na
remarke pa atende e camp training aki, pero lo desea di bay cu
mas atleta, pero cada atleta cu kier atende e camp training aki tin
cu bende 300 kalender pa cubri e parti di e pasashi.
Directiva di Brazil Taekwondo Stichting a keda bon informa di
kico tin pa spera cada atleta cu lo bay ta 3 siman for di cas.
Mas tocante di e camp training aki, Henk Meijer lo informa
na luna di januari ora cu Brazil Taekwondo Stichting lo tin e
cantidad di atleta mas sigur confirma.