Page 64 - CMB

Parlamentario Andy Croes ta duna di conoce recientemente Minister Presidente di Aruba Sra. Evelyn
Wever Croes a bay Hulanda pa reuni cu un cantidad di mandatario, entre otro Mark Rutte Minister
Presidente di Hulanda, Stef Blok Minister van Buitenlandse Zaken, Raymond Knops Staatssecretaris

van Binnenlandse zaken en Koninkrijksrelaties, Rey Willem Alexander y varios otro instancia mas.
Den un entrevista recien Raymond Knops, e Staatssecretaris a declara den prensa Hulandes
textualmente ”De financiële situatie van Aruba is inderdaad heel slecht. In 8 jaar tijd van een

nationale schuld van 40% van het Bruto Binnenlands Product naar 90%, dat is zeer dramatisch”.

Crimen contra pais Aruba

Pa prome biaha un Staatssecretaris di Hulanda a bin dilanti splicando den prensa netamente locual
nos tambe tabata splica pueblo y di e manera aki Hulanda ta confirma cu Mike Eman y AVP a causa

un desaster den apenas 8 aña. Ta confirma awor door di Hulanda mes cu Mike y AVP a redobla e
debe pero alaves a hinca Aruba den un posicion financieramente hopi debil. “ZEER

DRAMATISCH” ta e palabra cu Staatssecretaris a usa. Pues Mike Eman cu AVP a comete un crimen
contra pais Aruba. Un desaster financiero nunca bisto. Con e Stempel parlement di AVP por sinti nan
mes awor di nunca a controla Mike Eman y su ministernan? Di nunca a stop e bagamunderia

aki? Kico Baba Herde, Marlon Sneek, Lorna Varlack, Doornroosje, Donkey Tromp, Mervin Wyatt
Ras, Desiree Da Sousa Croes, Jennifer Reyes pa nombra algun di e Parlamentarionan di AVP cu a
apoya e maneho aki ciegamente por bisa awor? Nan no a haci nan trabao pa para Mike Eman y su

pandiya? Nan tur ta COMPLICE!

Wowo di Hulanda a habri

Knops y Hulanda tabata hopi cla. Den 8 aña a causa e desaster aki redoblando e debe. Interes di pais
Aruba tambe a redobla y den 2018 Aruba ta pagando 216 MIYON solamente na interes cual ta igual

na 600 mil florin pa dia. Kico ta opinion di Candelaria, Lampe, y otro Parlamentarionan nobo sordo
mudo di AVP? Boso no tin berguensa? Pueblo mester puntra boso unda cu boso bay pakico boso no

a cumpli cu boso trabao. Coalicion sinembargo lo no core pa e reto y lo percura pa haci lo corecto pa
rescata Pais Aruba. Hulanda porfin a reconoce den propio palabra e desaster di AVP di e ultimo 8
añanan. Pueblo, usa esaki como un experencia pa hamas y nunca nos por wordo engaña di e manera
aki.

Bagamunderianan di Mike