Page 9 - ARUBA BANK

E ta sigui splica cu ta bisa di mas esey, pero si mira e aangifte di e persona, su entrada
ta 20 of 30 mil. Eynan tin un wega ta wordo hunga, pasobra nan lo kier un vergunning,
pero no kier paga belasting. Ora bo conecta sistemanan hunto lo bo haya cu e beneficio
pa henter pais. E ora ey e cosnan ta wordo raporta manera mester ta y por traha hopi

mas eficiente y hopi mas miho. E di dos fase ta biniendo.

Loke si e clientenan por bay ripara, cu antes ora tin cu warda full un aña pa saca
cobransanan adicional di loonbelasting, BBO, ora cu e aangifte no wordo entrega of no

tin pago ta sosode riba e aangifte, tur luna ta bay draai e naheffingsrun. E sistema ta
cla. Ta bezig ta test e parti aki y ta hopi satisfecho cu por bisa cu si un cliente no paga
of e no haci aangifte, e ta bay haya un cobransa adicional, conforme ley y naturalmente
cu un boet cu e lo tin cu paga. Ta cuminsa pa draai tur e lunanan di Januari te cu Maart

y April, ta bay sali for di sistema nobo.

Tin cu bisa cu tin biaha Pieters ta spanta ora mira e cifranan. Ora papia di compliance,
no ta solamente departamento di impuesto mester cumpli. Ta demostrando cu nan ta

haci loke nan ta bisa y ta bisa loke nan ta haci. Ora cu bisa cu ta bay atende cu e
retraso y restitucionnan, ta atende cu nan. Ora cu mira cifra di clientenan cu no ta haci
aangifte mes of cu no ta paga at all of paga parti di loke nan tin cu paga, por spanta. Ta
mas of menos 10 mil naheffing tin cu saca pa luna. E seriedad ta bin di dos banda,

caminda cu e cliente mester atende cu su debernan di impuesto. Naturalmente e
departamento mester atende cu loke ta stipula den ley pa por atende cun’e pa loke ta
restitutie, etc.

E sistema ta duna e posibilidad awo pa ta hopi mas den control y pa por atende cu e
non-compliance, caminda cu ta haya clientenan no ta atende cu nan debernan fiscal,
pasobra nan no ta entrega aangifte mes, of no ta paga segun cu nan tin cu paga. Ta
algo cu ta bay sosode. Clientenan por bay mira movecion riba e tereno aki y e añanan

cu tin retraso pasobra no a saca naheffing aanslagen, lo bay atende cun’e.

Esey ta cambionan cu ta positivo den sistemanan di automatisacion cu ta duna tambe e
espacio pa por ta hopi mas digital. Por innova, e cliente por ta hopi mas trankil,

caminda cu e no mester bin para den rij pa haci un pago, of pa haci aangifte of pidi
persoonsnummer of haci cambio den su adres, segun Pieters.

- Advertisement -