Page 4 - DIGICEL

Telefon celular atrobe e regalo preferi e fin di aña

aki Digicel ta gradici clientela pa nan lealtad di

henter aña

December 28, 2017

ORANJESTAD, Aruba – Dia 22 di December Digicel a tene nan shopping night, pasobra hopi hende gusta
ricibi celular como regalo. E dia aki Digicel a opta pa duna e clientenan 3 diferente telefon, cual ta 2 modelo di
Samsung y 1 di Nokia. Hopi hende tabata presente pa asina cumpra celular pa regalo y tabata disfruta di e
ambiente di gaita. Tambe comunidad por a pasa na e “food drive” pa asina trece comestibel pa yuda famianan

den necesidad.

CEO di Digicel Aruba, Wanda Broeksema a indica nan kier a mira con e shopping night a bay y pa asina mira

si por organisa mas di evento asina aki. Desde trempan e luga tabata yen, te cu e fila tabata bay banda di e
restaurant unda e tentnan pa Fundacion Pa Nos Comunidad unda e autonan ta pasa pa laga e comestibelnan p’e
fundacion. Digicel tin plannan pa sigui haci mas evento asina aki y na mes momento tabata contento di mira e
clientenan tin hopi interes den nan servicio y productonan.

Dia 6 di December Digicel hunto cu Fundacion Pa Nos Comunidad a haci un “food drive”, pero e biaha aki a
combina esaki hunto cu e shopping night. Asina aki hendenan por a bin cu nan comestibelnan manera blekinan
di tuna, bleki di lechi, corn flakes pa asina e fundacion por a traha paketenan di Pasco, pa entrega famianan di

menos recurso pa asina riba dia di Pasco nan tambe por prepara nan cuminda y tin un Pasco dushi cu nan ser
keri.