Page 9 - WEB

sumamente cuantioso pa e projectonan grandi desaroya y ehecuta pa W.E.B. Aruba N.V. (“WEB”). Den nos
cartanan nos a haci dos (2) pregunta dirigi na Sr. Richard Eman su persona (como Director Interino di Utilities
Aruba N.V.) y di cual e preguntanan ta cla y raspa. Pero cu te dia di awe VWI no a haña ningun contesta.

Sin bay publicamente den detaye riba e contenido di e preguntanan, VWI ta pidi Sr. Richard Eman, cu
urgencia, pa bin dilanti y duna contesta riba e preguntanan haci den nos cartanan. Nos ta sumamente precupa
cu e rumbo tuma unilateralmente door di Utilities Aruba N.V. no ta na beneficio di WEB. Mas ainda, si

Utilities Aruba N.V. no logra sera un acuerdo bon balansa y transparente pa e prestamo financiero den e
simannan venidero, esaki lo por trece cu ne cu e posicion financiero di WEB ta bin den peligro na januari
2020.

VWI tin precupacionnan serio pa cu e desaroyo intransparente aki cu Utilities Aruba N.V. ta impone riba e

empresa estatal, WEB, cual ta un compania di vital importancia pa Aruba. For di fuentenan fidedigno ta drenta
informacion serca nos cu ta indica cu e intento unilateral di Utilities Aruba N.V. pa yega na un acuerdo di
prestamo financiero a tuma un rumbo precupante y stagnante. E silencio rotundo y secrecia di Utilities Aruba

N.V. rond di e desaroyo intransparente aki no ta laga VWI cu ningun otro alternativa cu haci nos
precupacionnan publicamente conoci.

Directiva di VWI-vereniging. (Vereniging van Werknemers met een Individuele Arbeidsovereenkomst in
dienst van de Water- en Energiebedrijf Aruba N.V.)

https://arubanative.com/2019/11/10/carta-publico-dirigi-na-directiva-di-utilities-aruba-n-v/