Page 14 - min,sja june 30 2014

AWEMainta Diamars, 30 Juni 2015 29

Minister Paul Croes:

Feria Social ta culmina dia 4 di juli awor

DIASABRA 4 di juli 2015, riba Plaza Daniel Leo e

prome proyecto nacional di participacion di hobennan,
esta Feria Social lo culmina cu un tremendo evento.
Despues di 3 luna y mei, e mas di 100 hoben cu a registra
y a participa n’e prome Feria Social lo ta presente p’asina
culmina e proyecto aki riba Plaza Daniel Leo.

Pa 5or di atardi lo tin diferente stand di fundacionnan
social presente p’asina comunidad tambe por haña
informacion di e Fundacionan.
20 Fundacion a participa n’e Feria Social. Pa 3 luna e 100
hobennan a siña conoce e fundacionnan di mas serca.
“Meta principal manera mi a menciona anteriormente
ta p’e hobennan siña un poco mas kico t’e tarea di
e fundacionnan. Crea e consenshi social serca nos
hobenan.
Tambe apoya e fundacionan cu hobennan boluntario.
Banda di esaki fundacionnan a recibi Awg. 300.000 pa
participa n’e Feria Social”, Minister Paul Croes a bisa.

Tin un team di hoben cu a coordina e proyecto Feria
Social ya for di un inicio. Tambe CEDE Aruba y
departamentonan di Asunto Social ta guia e proyecto
importante aki.
“Mi ta hopi satisfecho den e forma cu e proyecto a cana.
Hoben y partnernan a ehecuta e plan manera palabra.
Nos lo mira frutanan positivo for di e Feria Social”,
Minister Croes a añadi.

Minister Paul Croes t’e motor tras di e proyecto Feria
Social hunto cu partnernan importante kendenan ta
CEDE Aruba, Departamento di Asunto Social y Team
di Feria Social. Durante e atardi aki nos comunidad lo
wordo deleita cu musica y presentacion musical.
Diasabra 4 di juli 2015, ya for di 4:30pm tur hende ta
bon bini pa pasa na Plaza Daniel Leo na entrada di Caya
Grandi.