Page 38 - AHATA
P. 38
di Ricardo Croes di RED relaciona cu suavisacion di e ley di screening pa droga y pa urgi
Gobierno pa pura cu e implementacion di legalisacion di cannabis medicinal.
Click AKI pa e mocion.
Sinembargo, e Parlamentario taba(tin) problema pa cera 11 miembro na fabor di su
mocion, pa e por pasa den e reunion. E ta lobby pisa cerca fraccion di MEP, AVP y POR
pa purba haya consensus pa su mocion. Pero te cu ayeranochi, e no tabatin suerte,
specialmente den seno di AVP y MEP.
Aunke cu mester bisa cu e presion pa pura cu e ley di legalisacion di Cannabis medicinal
ta biniendo indirectamente for di MEP mes.
Awenochi lo mira si e mocion aki lo haya sosten. Un total di por lo menos 8 miembro di
MEP, 2 di POR y 1 di RED mester vota PRO pa e mocion por mira luz di dia.
Den e caso aki, tin 3 Polis den Parlamento cu tin wowo di 400 otro Polis riba nan pa mira
unda nan ta para den e lucha contra droga. Nan ta Rocco Tjon (MEP), Robert Candelaria
(AVP) y Alan Howell (POR).
Pesey conocedonan di politica ta premira cu e ley aki lo ta estilo “Dobla of Kibra”,
pasobra sea MEP ta dobla riba e mocion aki of coalicion tin chens di kibra pa motibo di e
persistencia pa legalisa marihuana na Aruba.
