Page 60 - AHATA
P. 60
“Manera ta conoci e maneho di Evelyn Wever-
Croes ta responsabel. P’esey a logra baha e deficit di Mike Eman di 444 miyon florin, pa
un surplus. E colegio di supervicion den nan rapport ta bisa cu Gabinete Wever-Croes
ta cumpli cu e norma financiero manera palabra. Na mes momento e colegio
di supervicion ta constata tambe den nan rapport cu e splicacion riba contenido di
e presupuesto aworaki si ta bon, ora compara esaki cu Gabinete Mike Eman”, asina lider
di Fraccion di MEP den Parlamento, Rocco Tjon, ta skirbi den un comunicado di prensa.
GASTONAN DI PERSONAL
Gasto di personal pa 2020 ta presupuesta na 472.8 miyon florin y esaki ta
5.8 miyon florin menos cu 2019. Asina Aruba ta cumpli cu entre otro e norma di
personal manera palabra. Apesar cu e norma aki no tin un base legal, Gabinete Wever-
Croes ta compronde e importancia pa baha e gastonan aki y nan mes ta percura pa
e gastonan aki sigui baha, conforme nan plan di maneho.
DEBE DI GOBIERNO
E debe nacional, segun e colegio di supervicion, lo baha debi na un surplus di
46.3 miyon florin. Esaki lo percura pa na fin di 2020 nos conoce un
debe nacional na 70.5% di nos GDP. Esaki ta un rebaho di 2.5% compara cu 2019. E
peso di interes di loke nos ta paga ta baha tambe cu 11 miyon florin compara cu na 2019.
Esaki ta prueba di e maneho responsabel di Gabinete Wever-Croes.
CRITICA DI OPOSICION
