Page 14 - AM240829

14 SUCESO AWEMainta Diahuebs, 29 Augustus 2024

Polis ta fractura pia durante di detencion di sospechoso

AYERA mainta despues cu central di Polis a

wordo avisa di un caso di ladronicia di auto,
un patruya na Noord mesora a señala un auto
Toyota Yaris blanco cu plachi di number A-49939
y mesora a bay tras di e vehiculo aki.

Den e auto autoridadnan a tuma nota cu tabatin
unicamente e chauffeur na stuur y ningun otro
ocupante y mesora a ordena e persona aki pa

e para cu e auto pero na luga di haci esaki, el a
primi trot den un intento pa scapa di e persecu-
cion.

E patruya a pidi asistencia di mas unidad den
e bario y un rato despues a realisa cu e auto
aki, a bay na un cas na Seroe Janchi 14 cu pa
algun tempo caba a wordo investiga relaciona cu

ladronicia di auto. A logra di changa e auto net den
cercania di e adres menciona pero na momento
cu a bay over na detencion di e sospechoso, a
sigui un lucha formal y caminda hasta un arma

di candela a wordo saca pa e sospechoso.

Un oficial di polis cu a confronta e sospechoso
a drenta un lucha cu e homber caminda durante

di e forsageo aki, a logra cu e arma di candela
a cay na suela pero durante di e lucha, e polis a
sufri un lesion na su pia robes. Cu asistencia di
otro polisnan cu a yega na e sitio, a logra di pone

e homber den boei sperando pa transportwagen
pa hibe warda di polis caminda el a keda deteni
pa mas investigacion.

Na e sitio autoridadnan a confirma un arma di
candela pero tambe cuater pa cinco bala di e
revolver loke ta indica cu e homber aki, lo keda
deteni pa un tempo prolonga ya cu no solamente

el a haci su mes culpabel na ladronicia di auto
pero tambe no respeta ordo di polis pa para, un
posibel intento di agresion contra un oficial di
polis y sin duda e cargo mas serio, cu ta pose-

sion di arma di candela. P’e ultimo aki e lo por
ricibi un castigo di prizon di cuater aña pero aki
tin cu mustra cu na e sitio caminda e incidente
aki a tuma luga, ya ta un luga cu ta conoci pa

casonan di ladronicia di auto.

Cu ambulance a transporta e oficial di polis pa dr
Horacio Oduber Hospital caminda a bin constata

cu el a sufri un fractura di su pia robes y el a ser
trata di inmediato.