Page 6 - AM240829

6 LOCAL AWEMainta
DI TODO UN POCO PA
reflexiona
ULTIMO dianan Minister Glenbert Croes ta ser masha cuestiona pa loke ta su
maneho di admision di stranhero, en especial Venezolano, pa cual hasta tin un
investigacion andando, cual caso a haya nomber di Portulaca. Maske cu Minister
Glenbert Croes no ta ser menciona como sospechoso, e modus operandi di
Ministerio Publico, haciendo entradanan hudicial na e.o. oficina di e Minister, a
bishita cas di su difunto tata, Betico, a drenta na oficina di su ruman homber,
unda su fundacion ta opera, etc, e diferente detencionnan haci, tur ta indica, cu
prueba ta ser busca pa haya Glenbert Croes pa ser interoga.
SI e dia lo yega, tur hende ta conclui cu esey sigur lo bira e caso, pero mien-
trastanto e mandatario kier duna permiso na tur persona ilegal na Aruba, opor-
tunidad pa regla nan status, haciendo nan legal. Hecho ta, cu mayoria di e
hendenan aki ta Venezolano, sigur tin hende di bon boluntad, pero tambe tin un
cantidad di malandros.
MIRA rond y sigui noticia, mira cuanto Venezolano ultimo dianan ta haya nan
mes envolvi cu actonan criminal na Aruba, e.o. transporte y importacion di
droga, importacion di cantidad di arma di candela. P’esey prome cu haci tur
esnan ilegal, legal, mester tin un bon screening pa p.e. nos no importa miem-
bronan di Tren di Aragua, cu segun informacion, ya ta na Aruba. Y manera a ser
cuestiona, tin cas pa tur e hendenan aki?
Diahuebs, 29 Augustus 2024
TREN de Aragua ta un grupo di criminal cu ta
masha bon entrena e.o. pa gruponan di terorista
Colombiano manera FARC y ELN. P’esey paisnan
manera Uruguay, Panama, Mexico y Merca, ta
haci todo por todo pa pone un paro na inmigran-
tenan Venezolano den nan pais.
SI mira p.e. situacion na Aruba, unda tin masha
circulacion di arma di candela, nos hasta di risca
di bisa cu cuidao cu morto no cay un di e dianan
aki na nos pais.
RECIENTEMENTE e Hunta Comisario di Free Zone
Aruba N.V. (FZA) a informa drs. Greg Peterson cu
no ta desea di want’e mas den funcion di Director
di e entidad gubernamental. E tin casi 30 aña na
cabes y en bes cu FZA bay padilanti, ta atras so
e ta bayendo. Si den pasado, bou di su Director
fundado, Louis Posner a traha duro pa Aruba su
Free Zone bira un competencia pa Zona Liber di
Panama, hamas esey a ser logra. A traha duro
pa Aruba su Zona Liber no bira un centro di laba
placa, loke a coste tambe pa haya companianan
multinacional di bin establece na Aruba.
TABATA algun luna pasa cu Minister mr. Geoffrey
Wever a opta pa cambia e Hunta di Comisario cu
ta represent’e den e compania. Aunke mas cu
dos aña despues cu el a asumi e funcion. Tipo di
cambionan asina normalmente ta haci mesora,
pero el a opta pa tuma su tempo y kisas hasta
evalua con e compania ta draai bou supervision
di e Hunta di Comisario y bou mando di e Director
cu el a hereda. Den algun luna di tempo, tanto e
Hunta di Comisario y e Minister probablemente lo
a conclui cu si wanta Greg Peterson ey, cu FZA
hamas lo innova y pio progresa.
NO ta un secreto cu Greg Peterson ta conserva
un bunita amistad cu Ursell Arends y hopi ta
catalog’e e consehero principal di e partido y di e
Minister. Esey a pone cu hopi lo a imagina cu e ta
intocabel, por lo menos politicamente. Mayoria, si
no ta tur su deseonan den ambito di naturalesa, a
conta cu sosten di e Minister pa ehecuta e cambi-
onan manera cu Aruba Birdlife Conservation a
pidi. Minister Geoffrey Wever a demostra →