Page 16 - AM200601

16 AWEMainta Dialuna, 1 Juni 2020

Aruba Bank N.V.

solidario cu Mi Voz ta

Bo Voz a haci entrega di

varios caha di comestibel

Aruba Bank a uni su mes n’e Food Drive di Mi Voz ta Bo Voz,
diadomingo ultimo. E banco a haci entrega di caha di comes-

tibel na bienestar di esnan den necesidad riba nos isla.
Esnan cu lo ricibi e ayudo ta famianan socialmente desfabo-

reci na Aruba y esnan cu a haña nan mes den circunstanci-
anan di bida particularmente dificil durante e pandemia di

Coronavirus.
Segun Sharon Fränkel-de Cuba, Managing Director di Aru-

ba Bank N.V.: “Nos ta den un situacion sin precedente. Hopi
famia ta haña nan mes den circunstancia di bida extremada-

mente dificil.
Aruba Bank ta sigui yuda comunidad continuamente, mane-

ra nos a bin ta haci for di prome cu e pandemia. Nos ta gradici
e organizadornan di e Food Drive di Mi Voz ta Bo Voz pa trece

companianan manera nos hunto y responde na necesidad di
nos hendenan na tempo“.

Chauffeur burachi a causa accidente riba Rotonde di Paperclip

DIASABRA madruga Polis a wordo pidi na un cas situa
riba Rotonde di Paperclip, unda un accidente a tuma lugar.
Na yegada di Polis, a compronde cu ta un Nissan March pa

un of otro motibo a baha for di e rotonde y bay dal un SUV

staciona. Na yegada di Polis, nan a constata cu e chauffeur
ta burachi y a detene mesora. Por mira cu Toke di Keda no
tabata vigente mas.