Page 3 - ARUBA BANK

*Crecemento exagera y cambio di clima peligroso pa economia

ORANJESTAD(AAN)–Na momento cu Aruba tabata prepara ayera pa acepta e situacion
mundial nobo cu lo por tin resultado directo pa e pais, Banco Central a emiti un rapport

den cual e ta spierta pa falta di control riba turismo y cambionan den clima cu lo afecta
economia y bida general di Aruba.

Na varios ocasion DIARIO a aborda e tema di control riba expansion di economia den e

comunidad chikito cu Aruba ta representa.

Den e rapport di Camara di Comercio, ta papia di e peliger di turismo excesivo na
islanan chikito den Caribe y na Aruba na forma special.

E instituto encarga cu asuntonan monetario di Aruba, a haci un analisis di desaroyonan
economico, social y ecologico y a duna un imagen di retonan cu turismo excesivo y
cambio den clima ta presenta pa un isla cu un economia dirigi riba turismo.

E asina yama “tipping point” e participacion responsabel mas halto di turismo den
economia mester wordo tene na bista pa evita cu e cantidad di turista ta influencia
comunidad y bishitante na forma negativo.

E espacio disponibel pa hende como ciudadano of bishitante ta importante y mester
evita cu hende no por resisti e aumento y ta wordo afecta pa aumento di peso social
creciente y destruccion di naturalesa y otro sistemanan natural cu no por cu a

desaroyonan menciona.

E ta afecta e bon experencia di e turista y como resultado finalmente e entrada na
turismo di e pais.

Cambionan den clima ta aumenta e resultadonan di turismo excesivo special na paisnan
dilanti un costa.

E estudio a indica cu Aruba cu ta sumamente dependiente di turismo, ta un di e paisnan
cu un intensividad mas halto den turismo.