Page 9 - LOTTO

30 AWEMainta Diasabra, 28 October 2017

Lotto ta felicita Noordstars “Pizza Hut”

DT cu nan titulo di campeon den Domino

PA di dos aña consecutivo Noord Stars Pizza Hut DT ta logra triunfa
como e mihor ekipo di domino na Aruba. Diasabra anochi den un Stadion
di Riverplate yena cu fanaticada di domino, e ekipo cora no laga ningun
duda atras y ta gana un otro titulo campeonil den domino

Diabierna anochi den e prome wega di final den e best out of three,
Noordstars ta gana Xtreme DT cu e score di 13 - 8. Diasabra e ekipo di
Xtreme DT mester bini bek p’asina forza un wega mas, pero Noordstars
tabatin otro idea y a bin dicidi unda nan ta gana Xtreme cu e score final
di 13 - 3 y asina prolonga nan titulo.
Den e wega pa di tres y cuater lugar, e legendario ekipo di Old Parr a
logra un di tres lugar ora nan ta gana Trappers DT cu e score di 13 – 2,
mientras diabierna caba Old Parr ta logra triunfa 13 - 8.

Na final e 4 ekiponan a haya nan respectivo trofeo for di man di e Presi-
dente di Aruba Domino Bond, sra. Soraida Boekhoudt. Di aki banda
kier a manda un palabra di felicitacion pa Noordstars cu nan titulo di
campeon y mas cu claro tur e 9 ekiponan participante n’e campeonato
organisa pa Aruba Domino Bond.
Un danki sigur na Lotto, e Loteria di Aruba pa medio di Comision di
Subsidio cu a subsidia e campeonato di Aruba Domino Bond.