Page 4 - HCCA

Diabierna Mei 22 2015 Pagina 15

IBiSA y DESPA ta informa:

Tips di comemento pa yuda bo presion

Den cuadra di e dia
Mundial di Presion halto cu
tabata dia 17 di Mei, IBiSA
y DESPA ta sigui duna
informacion tocante kico
pa come pa yuda controla
presion halto.

Aki ta sigui algun tips:
Come cuminda bon
balansa segun Guia di
Alimentacion:
• Scoge pa alimento
abao den vet y halto den
balor nutritivo (‘voeding-
swaarde’).
• S c o g e
carbohidrato cu ta menos
procesa manera grano
completo y cereal. Evita
alimento cu’n nivel halto na
sucu incluyendo refresco,
cos dushi, bolo, cuki y pasaboca dushi. Tambe evita di agrega demasiado
sucu (bruin) na koffie of te.
• Scoge pa 4 porcion of mas di fruta y berdura pa dia. Dos porcion di fruta y
minimo 2 cup di berdura. Nan ta contene un nivel halto na potasio, antioxidante
y fibra cu ta yuda controla presion den sanger.
• Scoge pa alimento di proteina cu no ta vet, incluyendo: galiña sin cuero, pisca,
carni cora sin vet, yoghurt, lechi y keeshi cu menos vet (‘low-fat’ of ‘halfvol’) y
tur sorto di bonchi.
• Usa menos salo y cuminda cu ta contene hopi salo.
Evita cuminda procesa y cu ta prepara comercialmente manera bacon, sosijshi,
beleg di carni, carnisa, pisca salo, carni di bleki y soppi sea di bleki of paki.
Tambe snacks salo, adobo, tur sorto di saus y dressing pa prepara cuminda.
Evita di come cuminda cu ta prepara pafo di cas p.e. Fast Food of Take-Away.
• Experimenta cu condimento fresco manera yerb’i hole, oregano, menta,
cilantro, yerba buena, specerij seco, lamunchi of binager cu’n sabor pa duna
un toke special y sabor na bo cuminda.
• LESA ETIKETA/ENVOLTURA. Purba di tene bo cantidad total di sodium pa
full e dia bou di 2000 mg. ¼ telep di salo ta contene 500 mg sodium.
Tip: scoge alimento cu no ta contene mas cu 140 mg sodium pa porcion.
• Alimento natural (no procesa) manera fruta y berdura, grano y carni no procesa
ta di naturalesa abao den sodium.

Pa mas informacion por tuma contacto cu IBiSA na 5824987 of cu DESPA na 5224200
of via email ibisa.aruba@gmail.com of despahp@gmail.com of busca nos via Facebook
of website.