Page 7 - PATRICK

investigacion administrativo cu tur e recibonan cu

gabinete Mike Eman a cumpra na material y equipo. Y

nos a entrega keho” Wever a bisa e portal aki awe nochi
laat. Ta referi na materialnan cu lo a disparce despues cu

tabatin cambio di gobierno.

EQUIPO

Segun Wever, “ ta ampliamente conoci cu nos falta hopi

equipo den bestuurskantoor. E equiponan mas obvio cu a
wordo horta ta audiovisual. Tur miembro di prensa semper a

mira e aparatonan sofistica cu gobierno di AVP tabata tin.

Awor prensa por a mira tambe cu e equipo cu gobierno nobo

tin ta di calidad inferior” Wever a cuminsa na bisa. “Den
conferencia di prensa ministernan a menciona esaki na mas

di un ocasion. Miembronan di prensa a cuminsa cuestiona”.

Basa riba esaki, gobierno a haci e investigacion cu e

resultado conoci. “E resto ta den man di husticia. Y
aparentemente e prome detencion a cai. Investigacion ta

andando ainda. Ta hopi equipo a ‘somenta’ ” Wever a

continua bisando. Y segun e prome mandatario, e equiponan
mester wordo recupera pasobra nan a wordo cumpra cu placa

di pueblo.

DETENCION

Pa loke ta e detencion, e portal 24ora awe nochi ta raporta cu

den oranan di anochi a encarcela e persona y a hib’e Warda

di Polis na San Nicolas. Tambe su famia a busca abogado
caba pa bringa e caso, cu nan ta considera como persecusion

politico contra di e persona.