Page 6 - HOH

PAGINA 24 DIARIO DIALUNA 30 SEPTEMBER 2024
Sindicato na Bonaire a cera

acuerdo di cooperacion cu

Sindicato ABV di Aruba

ORANJESTAD (AAN): Siman pasa e sindicato Algemene Fed-
eratie van Bonairiaanse Werknemers (AFBW) tabata di bishita
na Aruba pa forma parti na un Congreso di FTA, y durante
nan bishita riba e isla, a haci un bishita tambe cerca Sindicato
Arubaanse Bond van werknemers in Verplegende instellingen
(ABV).
Aña pasa e Sindicato ABV tambe tabata na Bonaire y a realiza
un bishita cerca AFBW.
Awor a logra cu e Sindicatonan AFBW y ABV a firma un proto-
col di cooperacion. Door di firma e protocol aki, e dos sindica-
tonan aki ta habri caminda pa nan traha hunto, den solidaridad
y union pa yuda otro, sostene otro y fortifica otro cu e meta pa
haci uso di tur conocemento, experiencia y facilidadnan.
ABV ta un sindicato cu hopi aña di experiencia y tin represen-
tacion den e sector di cuido y enfermeria na Aruba.
Pa ABV y AFBW, esaki ta un acuerdo di cooperacion, pa por
haya y intercambia mas experiencia, un pa cu otro. Mas uni
y fuerte trahadornan ta, lo construi un mihor sociedad unda e
lucha continuo lo ta husticia pa tur y cu respet pa dignidad hu-
mano, hunto den un forma optimal pa e clase trahador.

Fabuloso Car and Bike Show teni

dilanti Double Down Sports Bar

ORANJESTAD (AAN): E organizacion di Brazilian
Flash Racing Foundation ta existi caba 35 aña, y pa fes-
teha esaki, e fin di siman venidero for di dianan 3, 4, 5,
y 6 di October lo bay tin competencianan fuerte inter-
nacional na Aruba. Ta trata aki di “Caribbean Shootout
2024: Mega Jet Car Invasion”.
Relaciona cu caredanan aki, Brazilian Flash hunto cu
Double Down Sports Bar & Grill a organiza Diabierna
anochi un interesante Car and Bike Show riba nan park-
inglot na Eagle.
Mas cu claro, un multitud grandi a probecha di wak
tanto e auto e Motorcycle nan cu por tabata presente,
incluyendo e Jet Car, cu lo bira e atraccion special pa e 4
dianan di careda na caminda.