Page 13 - HOH

ORANJESTAD (AAN): E actividadnan di carnaval awor a cuminsa y pa cu esaki tin
diferente departamento cu ta prepara pa asina traha hunto pa atende cu e eventonan y
percura pa tanto seguridad, salud y tambe orden publico.

Un di e departamentonan aki ta Ambulans. Lideraro Hoek, Hefe di Servicio di Ambulans
a duna di conoce den entrevista cu DIARIO cu nan a reuni cu SMAC.

Normalmente for di cuminsamento di December nan ta reuni pa planea locual ta Fakkel,

cu ta e prome parada di carnaval. Esaki ta e parada cu en principio tin mas asistencia
cu servicio di ambulans ta duna, Hoek a indica.

Esaki awor ta tras di lomba y ta sigui cu e resto di e paradanan. Pa cu carnaval, servicio

di ambulans ta bay ta prepara pa duna cuido medico den caso di un emergencia. Lo tin
tres ambulans ariba e ruta, conhuntamente cu Cruz Cora, cu lo cubri e ruta, na pia.

Servicio di Ambulans ta pidi publico pa coopera cu e personal medico na momento di

cualkier tipo di incidente y duna espacio pa nan haci nan trabao.

Publico sa cu mester laga cierto cruzadanan cu ta destina pa ambulans liber. Esaki ta a
evita cu mester laga polis takel bo auto innecesariamente.

E camindanan strategico pa ambulans ta e rotonde di Banco di Caribe, e cruzada di
Vondellaan pa George Madurostraat, rotonde di Las Americas, e cruzada di Lloyd G.
Smith cu Adriaan Lacle Boulevard, e cruzada di Lloyd G Smith Blvd cu Irenestraat

(banda di Fort Zoutman) y tambe tin Lloyd G. Smith cu Oranjestraat y LG Smith
Boulevard cu Weststraat.

E cruzadanan aki ta e unico acceso cu ambulans tin pa yega na un persona cu mester di

cuido medico ariba e ruta. Tin basta aña ta pidi comunidad pa laga e cruzadanan aki
liber y hopi biaha DOW ta yuda den esaki. Ta pone e baricadanan, pero e hendenan
gewoon ta haci uzo di dje y ta bloki’e.

“Pa evita cu Polis ta takel bo auto, no para akinan”, Liderato Hoek a remarca. Esaki ta
cruzadanan cu ta hopi esencial pa Ambulans. Tin hendenan cu ta coopera, otronan ta
yega laat y ta wak e lugar habri y nan ta bay para eynan sin tene cuenta cu e pasada
ey ta destina pa ambulans.