Page 8 - KPA NOV 21,2015

6 AWEMainta Diasabra, 21 November 2015

Polisnan Maritimo a bay den accion mesora

Tug Boat cu a laga zeta
lek den lama a haya multa

COMO parti di nan tareanan diario,

Polis Maritimo a ricibi un yamada
diaranson pa 9:20am for di Aruba
Ports Authority cu tin un “Tugboat”
den waf di Oranjestad ta lek zeta.
Cu boto Polis a yega mesora n’e sitio
y a constata cu berdad tin zeta riba
lama na altura di “Fritz Kade”.
Ta trata di e tugboat “7 Seas” nabe-
gando bou di bandera di Panama y cu
tabata mara den waf. E causa ta cu
un tubo di zeta den e motor a kibra y
alrededor di 15 liter a bay den lama.
Nan a tuma medida y a stop esaki
mesora. Asina mes e “oilspill” a laga
un mancha di 400 X 70 meter den
lama cu a drif bay direccion west.
Polis Maritimo, den deliberacion
y cu aprobacion di Fiscal di Min-
isterio Publico a impone un multa
di Afl. 3.500,= y a tuma e tugboat
den beslag pendiente di e pago. Pa
4:30pm agencia di e barco a paga
e multa, pa cual Polis a entrega e
tugboat bek.