Page 54 - MIN JUS_Neat

Riba e topico di adictonan, Minister Dowers a reuni cu’n
grupo di misioneronan

Sunday, 18 June 2017 18:24
Comparti

E problematica di adiccion ta uno sumamente preocupante na nos pais.

Pa varios añanan cu a transcuri, a purba na contra aresta esaki na diferente forma. Pero e
forma di mas efectivo y cu a demostra di ta duna resultado positivo, ta programanan
educacional na esnan cu problema di adiccion. Un grupo asina yama Adult & Teen Challenge
freedom house y tambe Cultivate Hope International, a haci un bishita serca minister Arthur
Dowers, den cuadro di esaki. Es nan cu tawata presente tawata, sra. Kathy Love kende ta e
Program Manager di Freedom House Teen Challenge (Oklahoma), sra. Karen Coon kende ta
e Executive Director y tambe e pareha Shawn & Shanon Blankenship kendenan ta fundador y
executive directors di Cultivate Hope International. Amobos organisacion ta grandi y cu a
expande nan mes door di henter e pais norte Americano, yudando adictonan cu nan problema.
Nan a elabora splicando minister Dowers kendenan tawata den pasado y kendenan ta awor
aki. Nan mision ta pa duna un aki na Aruba tambe cu programanan. Nan a splica e mandatario
cu nan a cuminsa cu e programa aki caba na Aruba y cu e ta bayendo hopi bon y cu nan tin un
serie di programanan educacional pa e adictonan, cual programanan ta e mesun cos cu a
duna resultadonan positivo caba na Merca y cu awor nan ta implementando aki na Aruba.
Minister Dowers a primintinan di lo pasa bishita e instalacion pa mira con esaki ta bayendo. Sr.
Shawn Blankenship a duna di conoce cu, nan ta misioneronan y cu e intencion ta pa nan train
un Arubano pa e tuma e projecto aki over.