Page 18 - awe2106_merged

Diamars 21 di Juni 2022

FORTALEZA PA FAMIA.

Scirbi pa Pastor Marcel Balootje.

SEDUCI, ABUSA, MALUZA Y DESTRUI.

E diabel ta un seductor, esey nos tur sa for di e historia di ser humano riba mundo. Cristo Hesus a yame e tata di
mentira, pasobra e ta mentiroso di naturalesa Tur maldad ta bini , for di dje. E no tin misericordia di nada, E no tin
amor pa ningun hende. Tur caminda cu e haña un chens destruccion ta keda atras.

Tin un dicho ta bisa: Bo ta conoce un persona su caracter ora bo dune poder. No duna e diabel ni un milimeter di
poder den bo bida, Tene bon cuenta cu Dios merece e prome lugar den bo bida y curazon,y aleha for di maldad.
.Prome cu bo pensa e diabel ta ruina bo cas, matrimonio, finansas, salud, bo bida spiritual pa asina e por keda
mantene bo domina.( Oseas 4 vers 6) (Deuteronomio 28:47+48)

Tene bon cuenta cu esaki:
Un hoben ta bandona su scol y cuminsa bende droga, y hasta e tin curashi di bin bende droga na e scol caminda e
tabata studia, pasobra e sa cuanto cliente e tin na e scol. E ta sigi , y e ta cay sera, e ta sali for di prison y e ta drenta
un gang, pasobra den prison e a siña cu si bo ta den un gang e venta di droga ta bay mihor. E no ta pensa ningun
momento, pa arepenti. Nos tur sa e final di e asunto, hopi hoben ta perde nan bida, door di seduccion satanico.
Mayornan ta avisa nan yiu muher di cierto cabayero cu nan a mire ta cana cune:

E hobencita ta bay bon scol, y su contesta rebelde ta cu su mayornan no por scohe homber pe.
E cabayero ta probecha di su rebeldia contra su mayor y ta sake na estado, e ta perde scol,e cabayero ta oblige
pa aborta, y cu despues tin chens pa 75% porciento di su bida ni maske e kier e no por haña un yiu mas,y a keda
traumatisa.
Esaki nos ta yama Abusa.

Un mama soltera ta topa cu un cabayero masha amable, y ta sera un confiansa:

Despues e cabayero ta bin pidie, pa nan dos por comparti bida y asina e cabayero ta drenta den su cas. Pero despues
di un tempo ta resulta cu e cabayero no ta responsabel, y no tin amor, ni respet pa e mama ni su yiunan. Ta un lugar
pa sconde e mester. Esaki nos ta yama Maluza.

Hopi mayor ta pasando den e situacion aki, y tin hopi dolor den pueblo.
Un yiu ta cuminsa usa droga, y mayor ta papia cune , ta busca tur manera pa yude, ta mande Hulanda, Sto
Domingo,Colombia, etc, y tambe rehab local, pero e yiu te ainda no kier tende, cu locual diabel kier haci ta destrui
su bida .( Tur droga ta destrui hende)

Pregunta? Cuanto hende ta na altura cu tin hende mey mey di nos ta cana cu un bida destrui?
E engaño diabolico ta grandi den hopi area social, pero ta parce cu hopi no ta tene cuenta cune.

Hopi hende ta yama adiccion un malesa ,awel Cristo Hesus ta nos sanador .
E gran berdad ta, tur esnan cu a entrega nan bida seriamente na Dios, y a pidi Dios pa libra nan di droga te awe ta
para liber. Nos tin di haci hopi oracion, pasobra tur locual e enemigo ta haci Seduci, Abusa, Maluza, y Destrui ,
( Corda Juan 10:10).

Sinceramente , Pastor Marcel Balootje.

18