Page 13 - Min.Jus 5 Feb"15

Husticia: Parlamentario Besaril NO a actua contra ley

W ednesday, 04 February 2015 18:23
Comparti

Den un carta fecha 28 di januari 2015, Fiscal mr. Bart Schmitz a skirbi Parlamentario di Fraccion di
MEP, Guilfred Besaril, cu e no ta haya cu el a comete ningun infraccion den e accidente di dia 8 di maart
2014. Berdad el a bandona e sitio di desgracia, pero e hecho ey no ta castigabel segun nos ordenansa di
trafico.

Ministerio Publico a institui un "feitenonderzoek" via Lands Recherche relaciona cu e accidente cu e
Parlamentario tabata envolvi aden. Ta conoci cu despues di e accidente, el a opta pa bandona e sitio y a
laga su pareha atras pa atende e asunto. E Parlamentario a uza como argumento cu publico eybanda a
cuminsa agita y pa evita confrontacion cu prensa, el a scoge pa miho e move di eybou.
Den medionan di comunicacion y tambe opinionnan riba rednan social a cataloga esaki un "hit & run"
locual expertonan di e tempo ey caba a bisa di no ta berdad. E hecho cu bo a laga bo auto atras, cu
conocemento di ken ta na stuur y tur informacion necesario, no ta haci bo culpabel di bandona un
accidente.
Claro cu como ta trata di un figura politico, mesora e opinionnan ta varia, specialmente di opositornan.
Esaki mes a conduci cu, den cuadro di imparcialidad, cu husticia a dicidi di repasa e hechonan, pa ta
sigur cu no a abusa di poder of di conocemento di leynan di trafico.
Dia 22 di october 2014 Landsrecherche a entrega e rapport final di nan investigacion na Fiscal, kende a
evalu'e y a conclui cu no tin base pa ningun persecucion penal como cu Ministerio Publico no ta haya cu a
comete ningun delito durante of despues di e accidente di auto. Un ke otro tin di haber tambe cu e
Parlamentario mes no tabata causante di e accidente tampoco.

Comentarionan (8)

Mustra/Kita comentarionan
Justicia
February 04, 2015
2 0 1 .2 2 9 .9 .2 4 5
Votes: +1

...
Bebe bai goal ,core burachi dal auto i pidi cualque hende para atende e asunto i bisa ta ken tabata na stuur i tur cos
ta oke .ora bo wajaba pasa bo ta bai warda di polis i duna declaracion .esei ta loke t bai pasa awo en adelante i bo