Page 38 - MIN ARENDS

ORANJESTAD, Aruba

Tur aña cada scol ta confronta su mes cu cuentanan no paga. Sinembargo e motibo pakico cada
school nan cuentanan no ta wordo paga ta diferencia basta di un cu e otro.

Robin-Ann Didder di Partido P.O.R, E Plataforma Forsa Nobo ta duna di conoce cu e costo di scol

di e muchanan ta un situacion cu mester atende. Na momento cu un mucha ta bay scol e tin diferente
gasto cu ne manera paña pa bay gym, pago pa airco di scol,material di scol, agenda,buki ,schrift ect

ect

Tur scol na Aruba ya caba ta exigi uniform y awor sweater di e scol tambe ta un exigencia hunto cu
emblema di e scol pa e aña escolar aki. Esaki ta un extra gasto pa e mayornan. Sinembargo
prome cu cada mayor por a cumpra sweater cu nan cartera por carga y no loke ta keda exigi

solamente.

E Director/a di school ta manda un carta cas y indica cu prome cu e mucha cuminsa scol
obligatoriamente mester tin su uniform y sweater. Con esaki ta para pa e mayornan cu ya caba tin

tanto costo halto caba pa boeki nan di school y e uniform?

Na Aruba ta conoci cu tin hopi mayor soltero/viudo tin’e hopi duro pa lanta nan yiunan
independientemente. E mama of tata soltero mayoria bes ta pa motibo di divorcio. Pa cual despues di

un divorcio ta confronta cu un disminucion di 16% di nan entrada. 42% di mamanan soltero y 25% di
tatanan soltero tin un entrada bou di 2000,- Florin cual ta menos di loke e estadisticonan di CBS ta
bisa cu mester ta un salario minimo na Aruba.

E gobierno tin pa cada persona cu tin un yudansa (Bijstand) na Sociale Zaken lo ricibi 120 florin pa
mucha pa schoolgeld. Sinembargo e suma aki no ta un suma cu por cubri sikiera pa uniforma di
scol. Robin-Ann Dider di Partido P.O.R , E Forsa Nobo ta kere cu ta importante pa tene cuenta cu e
partinan aki mirando cu e debenan pa un mucha bay scol dependiendo e edad ta core entre 400 florin

pa 1100 florin.

Esaki ta un situacion cu mester atende cu ne. Ta importante pa por traha un plan di aanpak y

combersa cu cada un di e persona nan aki y sa kico ta loke nan kier logra den bida pa nan mes y pa
nan yiunan y mescos cu gobierno ta yuda nan cu placa fin di luna pa nan por biba, tambe gobierno
por haci un esfuerso pa yuda nan haya e animo y e confiansa cu nan tambe por desaroya y crece