Page 18 - AM201110
P. 18
18 AWEMainta Diamars, 10 November 2020
AVB orguyoso con referee di Aruba a haci un bon trabou durante wega
Asesor di Referee di CONCACAF contento
cu e tremendo trabou di Ricangel de Leça
Ricangel de Leça ta un di e refereenan cu Aruba tin,
kende tambe ta un referee di FIFA. Na diferente
ocasion el a haya oportunidad pa dirigi weganan
den exterior y un biaha mas el keda yama pa dirigi
un wega di Scotiabank CONCACAF League 2020.
E wega aki ta parti di e di cuater (4) edicion, di un
competencia di club di futbol organiza pa CONCA-
CAF.
E wega cu De Leça a keda designa pa dirigi tabata
e wega entre Arcahaie di Haiti y Waterhouse di
Jamaica.
AVB ta orguyoso di mira con Aruba ta reselta den
mundo di futbol, internacional. Locual ta haci aun
mas interesante t’e hecho cu e “referee Assessor”
di CONCACAF a duna Ricangel de Leça un tre-
mendo review riba e forma con el a dirigi e wega.
Arubaanse Voetbal Bond (AVB) ta orguyoso di
scucha feedbacknan positivo. Nos tin e meta pa
sigui engrandece futbol di Aruba, p’esey a desar-
oya plannan pa yuda organisacionnan sigui crece
y p’esaki nos ta contento di mira con cosnan ta
bayendo.
No solamente ta yuda clubnan, pero tambe ta
yuda dor di bin cu trainingnan pa referee por sigui
crece. Pabien de Leça cu e bon trabou.
